Gizarte Zientziak: Margolaritza abstraktua: Wassily Kandinsky (1866-1944)

Margolaritza abstraktuaren ezaugarriak

-XX.mendeko margolaritzak, objetua, fase desberdinetatik igarotzea ahalbidetu zuen:

Fauvismoan kolorera murriztua
Kubismoan geometrizatua
Expresionismoan desitsuratua
Futurismoan dinamikoagoa bihurtua
Surrealismoan amestua
Abstraktuan objetua erabat desagertuko da

-Artista abstraktuen helburua edozein elementu figuratiboei uko egitea izango da, indar espresiboa errealitate bisualarekin harremanik ez duten forma eta koloreetan fokalizatuz.
-Artelana errealitate autonomo bihurtzen da, naturarekin inolako harremanik ez duena.
-Beraz, jadanik ez dira pertsonak, paisaiak, etxeak, loreak,...etab irudikatzen , baizik eta kolore konbinazio desberdinak artistak barnean duena isladatzeko.
-Kandinskyk zera esaten zuen: "margolaritzan orban borobil bat giza irudi bat baino adierazgarriagoa izan daiteke"

Wassily Kandinsky (1866-1944)

Bera kontsideratzen da arte abstraktuari atea zabaldu zion artista bezala
Artearen teorikoa (hainbat obra idatziko ditu)
Bere arte "arte puroa" bezala definitu daiteke
1896an Munichera abiatzen da margolaritzan lana egitera
Bere hasierako obretan errusiar herri artea, Art Nouveau eta inpresionismo berantiarraren eragina agertzen da
Fauvismoaren eragina dela eta kolorearen askapena gero eta nabariagoa da bere obran
Bere lanean, hainbat fase bereizten dira: inpresioak, inprobizazioak eta konposizioak (kontzeptu hauek musikatik hartzen ditu, artistak oso gustokoa baitzuen). Errealitatearen hautemate maila ezberdinak irudikatzen dituztelarik: lehenengo etapan bakarrik elementu kasualak irudikatzen dira; bigarrengoan espresio ezezagun bat agertzen da (fantasiatik sortua) eta hirugarrengo etapan fantasia eta errealitatearen arteko sintesia ematen da, esperientziaren gorengo maila lortuz.
1912an "El jinete azul" delako taldea sortu zuen beste artista batzuekin, Paul Klee horien artean
1914an Alemaniatik atera eta 1921an berriz bueltatzen da; Bauhaus Eskolan lana egingo du
1933an Frantziara emigratu eta 1944an hilko da

Kandinskyren obrarik aipagarrienak
-Lehen akuarela abstraktua (1910-1912, akuarela, Georges Pompidou). Klikatu linkean eta ikus iruzkin eredua:

http://cv.uoc.edu/~04_999_01_u07/percepcions/perc112a.html

Lehen akuarela abstraktua

-Composición VI (1913, mihise gaineko oleoa, Hermitage, San Petersburgo)
-Paisaia elizarekin (1913, mihise gaineko oleoa, Museo Folkwang, Essen)
-Lerro erradialak (1927, mihise gaineko oleoa, Guggenheim Nueva York)
-Gedämpfte Glut (1928, akuarela, Ulm Museoa)
- 28 inprobizazioa (akurela, Guggenheim Nueva York)
-5 inpresioa (mihise gaineko oleoa, Georges Pompidou)